被指努力洗底的陳冠希（Edison）昨日出席時裝店活動，早前他跑馬拉松被疑做假，因掛在身上的號碼布並非他本人，Edison解釋因自己的號碼布有不利他的7字，故與友人對掉，但腳上計時器沒有除過，強調清者自清。
陳冠希昨日在其位於銅鑼灣的時裝店Juice，出席Nike活動，家姐陳見飛、好友MC仁與李璨琛也有到來捧場。席間，Edison親手將「NIKECLOTTennisClassicACTZ（MuseumEdition）」的波鞋，即場改造，令雙鞋充滿懷舊效果，交給首位排隊購買的客人。
計時器冇調包
早前Nike贊助Edison跑慈善馬拉松，他被發現號碼布名字並非本人，即被指跑步做假，又說被取消資格，Edison坦言：「我都問咗好多人點解會有咁嘅事發生，後來查到話係某本雜誌係咁打電話去大會，問點解唔取消我資格，其實當日我本身塊布個號碼有個7字，我唔想要個7字，同人換咗，但我腳上嘅計時器係冇換過。」Edison的號碼原本是A5716，後來換作A5654。
Edison解釋身邊有很多愛他的人都跟他說，要遠離7這數字，因此他把電話號碼都改掉，就連美國洛杉磯住所的地址也因為有7，而決定搬家，他直言：「遠離7字後，運氣都好啲。」Edison表示剛從洛杉磯回港，不知是否真的被取消資格，但已不重要：「我要做嘅事都完成咗，亦都係一個唔錯嘅時間跑完，知道有好多年輕人開始跑步，只係唔明點解有一班人要將咁正面嘅嘢變成負面。」他稱早已習慣被傳媒挑剔，五、六年前可能會很氣憤：「大家有眼睇，識貨就知道發生乜事，知道有人支持我，唔覺得一兩本書可以影響到我，我知自己做乜。」
Cammi唔撐舊愛
模謝芷蕙（Cammi）表示愛買潮款波鞋，至於可會捧舊愛Edison旗下潮店Clot跟NIKE合作的新款潮鞋，她昨日在電話口窒窒說：「我睇吓靚唔靚先，靚咪買，不過佢大把fans捧場。」過往Edison可曾送過波鞋作禮物，她說：「冇呀。」是否覺他很孤寒？Cammi避談：「唔知，唔講佢啦。」採訪：胡比
攝影：陳順禎
