布力般流浪嘅中堅史葛丹恩（圖），喺上年12月輸畀西布朗嘅一場英超聯中勇戰「爆蛋」，佢日前就首次開腔講番嗰次慘痛嘅經歷，25歲嘅佢話：「一句講晒，真係痛到你唔信，而且睇落去都好恐怖，我痛到走都走唔郁。」不過，嗰次受傷並冇影響丹恩嘅鬥心，喺周六作客曼城嘅聯賽，佢就希望帶領球隊爆冷搶得分數。