喺娛樂圈響噹噹嘅「Chok爆家庭」，由老到嫩都紅爆，唯獨「Chok女」就爭少少，做極都唔及佢嘅「Chok父母」同「Chok哥」。全家人都咁紅，點解係得Chok女紅唔起，關仁縱橫娛樂圈咁多年，梗係知道原因啦，Chok女由出道開始，同佢合作過嘅人都怕咗佢，話佢難服侍，開口埋口都一串串雞腸，每次出席活動都要搵定十套、八套衫畀佢揀，仲要用唔同牌子配搭。試過有次，Chok女助手幫佢去咗十間品牌，借咗50件衫，Chok女都話唔like，發晒脾氣，講一大抽英文，要個助手搵到佢滿意為止，傳佢話有公主病，關仁第一個舉手投票。
撰文：關仁