陳寶珠（右）同蔣文端合演嘅粵劇《紅樓夢》4月喺文化中心演出十場，寶珠姐噚日接受商台電話訪問時話最近忙於綵排，每一日都好緊張，心情好矛盾，一來想演出日子快啲到，但係又擔心自己表現。寶珠姐又大讚對手夠專業：「蔣文端好快融入角色，綵排時已經見佢眼眶滿晒眼淚。」另外，寶珠姐話囝囝楊天經暫定喺暑假擺酒。