宅錄：八分乾轉凍風　吹得貼服

趕出門口唔吹頭？就好似撻塊濕布喺頭度，易冷親之餘，於春天潮濕天氣還會令個頭變得更塌、更易出油！今日就教各位愛美一族，揀個吹得快靚正嘅風筒，等你幾分鐘Set個靚頭出街！

記者：張文蕙
攝影：陳盛臣、蔡家輝
Model:Shiya@GME
鳴謝：鉅記行

正負離子風筒神奇焗油

鉅記行負責人陳福成（Francis）表示，良好的風筒就算大力掉在地上，外殼都不會毀爛：「如果個殼跌一跌就爛，咁啲碎片就好易跌入出風口，妨礙摩打運行；當你吹髮時聞到燶味時，就要小心了！」硬淨的外殼最好有PA塑料，內裏包括尼龍成份，變得更少機會毀爛。此外，安全風筒應具備AutoRelate功能，當風筒過熱時，安全銅片會自動彈開斷電免爆炸。
「呢個年代1500W風筒已算落後，2000W才算是專業風筒的最低要求。吹的風力每小時應達55至60立方米的風速，咁樣吹頭先快乾。」嚟緊新一代風筒X6Fashion，將會一機有齊正負離子功能；正離子可以打開頭髮鱗狀表層，吹一吹，再做焗油或塗營養液，吸收的養份自然更多，之後再用負離子吹頭，頭髮的鱗狀表層此時關閉，頭髮就變得立立令，而且無咁易斷！

■鉅記行負責人Francis

■美國X6Fashion正負離子風筒，數月後將推出！售價待定（a）

■吸風位有軟棉，就表示有靜音功能。

■陶瓷（白色珠仔）風筒，能促進頭部血液循環。

超方便旋風卷

這個WestTrendsTornadoDiffuser旋風卷，絕對係趕頭趕命出街嘅女性恩物！即場搵Model測試，先將旋風卷的底部拆開，插在風筒後將頭髮放入筒頭，上下郁動，大約一分鐘，頭髮便形成尖尖的鬈曲狀；之後又蓋上旋風卷的底部，同樣動作，卻化成了波形的內向鬈髮。
旋風卷還備有左右旋轉風向選擇，不妨多作嘗試，分分鐘吹出嚟唔止得兩種Feel。

■WestTrendsTornadoDiffuser旋風卷　$135（a）

■CEOFoldingDiffuser去旅行都可帶着！
$68（a）

合蓋吹

開蓋吹

六大最強風筒！

■BabylissPROV2與Ferrari合作研製塑膠馬達，外表夠型，內裏亦強！$1,560（a）

最威

最香
■X5Rose納米陶瓷風筒，吹出嚟有玫瑰香味！$450（a）

最抵
■VS907PH風筒，品牌夠專業，還有凍風「定型功能」，而且平到震！$100（b）

最直
■Rowenta直髮專用風筒，備專給直髮用的配件，罕見！$245（b）

最溫柔
■PanasonicEH5164，有50℃恒溫功能，保護你髮絲，不過可能要吹耐啲囉！
$238（b）

最輕
■TGR3600專業風筒，只有350g，暫是全球最細的2000W風筒。$900（a）

冷風平伏鱗狀表層

AVEDA的TopStylist&TechnicalTrainerGloryChan指出，其實用熱風吹頭唔係唔得，不過吹髮前應用一啲具防熱能力的專用護髮產品，待頭髮乾至八成嘅時候，應轉用冷氣，除了定型外，亦可幫助平伏頭髮表面的鱗狀表層。
佢仲提醒我哋，洗頭之後用毛巾的方法應該係「吸」水，千萬唔好上下抹，因為呢個動作係好傷頭髮㗎！
吹完頭之後，可用DamageRemedyIntensiveRestructuringTreatment補水鎖濕，內含來自有機植物的奎藜籽的蛋白質，滲透力好強，有效重建受損髮質，而且亦含有滋潤的黃柏、檀香木、苛苛芭油等，令髮絲得以補水，更有保護的功效。