馬刺最近「弗」到漏，上場作客贏埋爵士106:102，錄得11連勝，但係阿根廷後衞真路比利（圖）又受傷，要唞兩個禮拜。佢喺上星期六晚對快艇嘅比賽入面傷出，經過磁力共振嘅檢查後，證賽拉傷左斜肌，要養傷兩星期。真路比利今季都相當黑仔，成日受傷，1月頭先至斷過左手手骨，唞咗個幾月後，點知復出冇耐又再傷過！另外，隊友史巴利達右腳小腿受傷，預料都要唞兩星期。