阿仙奴前鋒尹佩斯（左）明年夏天約滿，兵工廠計劃開份總值1,800萬鎊（約2億港元）嘅4年合約畀佢。聽落好似好多，但計落周薪先得9萬鎊，如果尹佩斯轉去曼城或者皇馬，周薪一定有雙位數。呢條縮數，睇怕兵工廠好難留得住尹佩斯。另外，有傳領隊雲格（右）諗住派艾沙維、查馬克同朴主永踢禮拜四嘅預備組比賽，唔通係為咗操「弗」佢哋踢本周末對熱刺場英超打吡大戰？