全明星賽今個周末就上演，NBA賽會公佈咗技巧挑戰賽嘅參賽名單。今年有6個球員參加，上年冠軍勇士嘅史堤芬居里（圖）亦都有玩，目標當然係衞冕啦。其餘5位挑戰者嘅來頭都唔細，網隊嘅迪朗威廉士係2008年嘅冠軍，志在再次封王；另外仲有馬刺嘅柏加、雷霆嘅韋斯卜克、巫師嘅禾爾同埋騎士嘅新秀狀元K艾榮。