特首參選人唐英年因約道大宅僭建成為眾矢之的，前晚任賢齊在尾場個唱和蘇永康唱雙簧擺唐英年上枱搞氣氛，康仔稱若他識唱《那誰》才再考慮會否給機會他爭做特首，至於成為港人的小齊則坦言不明為何港人無權投票選揸弗人。
任賢齊舉行一連兩場的紅館演唱會前晚圓滿結束，好友黃品源、陳昇和五月天繼續擔任嘉賓，小齊也請來同公司的蘇永康表演，當他介紹康仔出場時說：「公司同事今年可以去旅行同埋食好嘢，都係多謝佢咋。」小齊坦言約10年前來港拍電影《星願》時，食、住和穿的皆有康仔贊助支持，令他無言感激，康仔聞言笑說：「真係估唔到10幾年後你竟然做咗我老闆。」
「去約道問吓佢」
小齊大讚康仔的《那誰》唱到街知巷聞，剛成為港人的他也拿唐英年開玩笑搞氣氛，小齊笑言：「真係唔識唱唔可以做特首喇。」康仔跟着小齊唱雙簧：「我真係要問佢（指唐英年）識唔識喇，聽日就去約道問吓佢，如果佢識，大家先考慮畀唔畀機會。」康仔隨即指自己玩大了：「玩大咗㖭，大家當時運高冇聽過。」在慶功宴上，小齊坦言：「我都有留意特首候選人戰況，香港人冇權投票，我真係好唔明，咁特首係邊個選出嚟呢？」
當晚小齊女友Tina和一對仔女也有到場，不少緋聞男女同場現身，趙碩之和胡渭康前後腳到場，林子祥兒子林德信（Alex）和吳雨霏（Kary）也同場，Kary不久即表示要去洗手間，之後直到開場也不見她蹤影，Alex最終只看了三分一便離開。當晚小齊安哥近凌晨12時才完場，因此超時被罰錢。
出院翌日開工
小齊指做盲腸手術的傷口當動作大時仍隱隱作痛，他說：「醫生話我如果遲做手術可能變腹膜炎，做完手術原本要休息兩星期，但我出院第二日已經開工，家一切動作都要好慢。」但昨天小齊又要飛北京宣傳新戲，Tina會否很擔心？小齊只說：「OK啦，佢想低調。」
採訪：譚倩宜 攝影：黃偉雄