拜恩（右）有望同前妻雲妮莎（左）復合！據消息人士話，拜恩近排除咗打波之外，成副心機都擺咗喺哄老婆度，佢不斷強調，以後唔敢再有感情缺失，希望雲妮莎可以原諒佢。話晒曾經一場夫妻，感情又點會話斷就斷，雲妮莎傾向相信拜恩，但仲未決定係咪復合。除咗落足嘴頭，拜恩一於雙管齊下，用埋銀彈政策，送咗唔少珠寶畀雲妮莎，至於價值多少就冇透露，但斷估過百萬都走唔甩嘞！