戴歷路斯（白衫）一復出就幫公牛贏波，主場輕取鷹隊11分，贏90:79；佢呢仗射入全場最高嘅23分，同造出6個助攻。中鋒諾亞大讚戴歷路斯嘅表現：「佢今日打得好有侵略性，每當佢有咁嘅表現，都會畀到全隊更多嘅發揮空間，亦畀到我哋更大嘅信心！」因為背傷關係，戴歷路斯之前唞咗5場比賽，而公牛嗰5場波只係得3勝2負。