35歲的文頌嫻，搶閘做第一位龍年新娘，將於下月2日假四季酒店廣宴親朋，原本文女打算與老公Jason去馬爾代夫度蜜月，但當地政局不穩因而改變主意，至於婚後造人大計，文女坦言為免做高齡產婦，早在計劃結婚時已不設防，望早日為老公生個金叵羅。
文頌嫻將於下月2日與拍拖3年的圈外男友Jason結婚，當晚假四季酒店宴請親友，文女最近密鑼緊鼓籌備婚禮，早前亦與Jason分別在香港的影樓及到澳門拍攝婚紗照。
蜜月改行程
昔日身材偏瘦的文女明顯較前肥胖，她笑說：「係呀，啲人影婚紗相會特別去減肥，但我反而肥咗五磅影呢輯相，我一向俾人感覺係細粒同骨感，想影出嚟嘅效果豐滿啲，有啲身材會好睇啲。」
文女原打算跟Jason婚後到馬爾代夫度蜜月兼多拍一輯靚婚紗照，可惜當地政局不穩，惟有另覓度蜜月地點。至於生育大計，文女坦言：「我同老公舊年底計劃結婚時已經不設防，我喺心理方面都做好做媽咪嘅準備，我都想早日幫Jason傳宗接代。」至於想生仔定女，文女笑說：「我鍾意女，Jason就鍾意仔，其實仔女都無所謂，最緊要係健健康康，既然係咁，生一仔一女就最理想啦！」昔日拍劇時經常要捱夜，文女為生個健康BB，早已調理身體，隨時迎接新生命的來臨。
採訪：羅美倫
