a香港傳媒真夠皇馬，踢爆一個跟巴塞咁高咁大的「地下最強」。
b約道7號那個「窿」，固若金湯，絕對不是豆腐渣。連僭建都好過大陸貨九萬倍，九龍塘獨立屋，肯定成為官二代富三代繼D&G後，下一個掃貨目標。
c唐生大地震，重創的卻是梁振英。事件充份顯示，就算唐生墮馬，都輪唔到梁振英上位。
d闊太唔易做，只係闊了二千幾呎，已經一身蟻。
e屋宇署頭問，點解女人愛搞僭建？
f時事通識題問：發水和僭建，有乜性別分歧？
g平台變地下，大勢所趨，唐宮那個二千幾呎地牢，扮高深啲，入契叫自己做38樓D。
h曾鈺成乘機走籃入樽？噢，反正我信了，阿爺不是瘋的話，劉德華做硬特首！
i風水輪流轉，一百年後，誰理會何東花園，唐宅地下宮榮登一級歷史文物。