特首選戰風雲變色，雖然唐英年挾四大地產商提名參選，但據知中央最高層正研判當前特首選戰亂局，未有最後決定，所以不排除中央會放棄唐英年。有來自商界消息指，計劃出選的立法會主席曾鈺成，正是四大地產商及挺唐商界部署的替補人選，「只要中央㩒掣走唐，佢哋就會全部支持曾鈺成，力阻梁振英做下屆特首」。
消息人士透露，中央對目前特首選戰亂局極之關注，有消息稱已去到國家主席胡錦濤親自處理的層次，「家涉及太多不同陣營利益，建制派嚴重分裂，任何重大決定都要中央最高層同政治局常委做決定」。
「其中一個係李嘉誠」
由於中央未對目前局面有任何最新決定，所以四大地產商及一眾商界人士，仍然支持唐英年「入閘」，「但大家心知肚明，唐英年唔撐得幾耐，遲早要換人，而成班商界唔支持梁振英，所以先有曾鈺成、葉劉淑儀出嚟做定後備」。
不過該消息人士指，葉太並無得到任何一個陣營支持，「左派、挺唐嘅商界冇人搵過佢出嚟」，反而曾鈺成就是挺唐陣營力游說「出山」的特首替補人選，甚至有傳長實集團主席李嘉誠，正是其中一名出面游說的重量級人物，「佢（曾鈺成）提到有相當尊敬嘅朋友游說佢，其中一個就係李嘉誠」。
另一商界人士指，由於中央未拍板換人，曾鈺成不可能匆匆宣佈參選，但因時間緊迫，距離提名期已不足10日，中央一定要在本周內有決定，更有傳指中央及中聯辦會約見李嘉誠等一眾挺唐人士的想法，「有個挺唐立法會議員話明寧投何俊仁、不投梁振英，家大家搞到勢成水火、有你冇我，中央點樣拆彈，肯定唔係咁容易！」
《蘋果》記者