Beyond成員黃家強的日籍太太Makiko日前在沙田仁安醫院誕下第二名兒子，現留院休養中，昨日下午3時，家強帶同大仔到醫院探望妻兒，家強透露妻子要休息多數天才出院：「佢哋情況幾好，BB好健康，三點幾kg，仲諗緊英文名，不過會改咗日文名先，因為有時啲漢字日文係讀唔到。」
好友紛祝福
再任爸爸的家強笑言細仔暫時似自己：「似我幾慘，最好似媽咪，靚啲，媽咪唔可以補身住，大仔知做哥哥都好開心，未生之前都問幾時見到細佬。」至於是否再追女兒，家強坦言不會，因太重皮，並笑指再生仔就會好驚。提到圈中好友如黃貫中等是否有祝賀時，他指收到不少朋友的祝福。
採訪：張俊銘 攝影：陳慧安