特首參選人唐英年嘅約道大宅僭建醜聞，全城hit爆，李力持噚日喺尖沙嘴幫個短片比賽做評審兼頒獎嘉賓時，都講起呢件事：「特首除咗聰明之外，大家都好着重誠信，平時就唔好有乜行差踏錯，因為你唔知幾時會選特首。」講到電影製作人阮世生話喺內地俾人呃咗個劇本，李力持就話呢行不時都有騙子，佢仲話離譜到自己試過做咗套劇嘅監製。