世界小姐張梓琳之前去泰國拍攝新一輯L'Oreal電視廣告，由於主題係水，所以佢要喺泳池拍攝，甚至要潛入水底，你都咪話唔辛苦。雖然泰國天氣好熱，但長時間浸水，都唔係一件容易嘅事，而且為免有水蒸氣，又唔可以用溫水，可憐張梓琳着件好單薄嘅低胸裝拍幾個鐘頭，難得佢全程冇怨言仲面帶笑容，專業精神真係值得嘉許。