謝婷婷、莊思敏、馬詩慧、林莉等前晚在尖沙嘴出席珠寶活動。莊思敏穿上鄧達智設計的黑色低胸露臍晚裝，她自爆情人節冇人約：「好想喊，未試過咁樣，冇人約，邊度都冇去，早早返屋企。」
婷婷嫲嫲百歲大壽
婷婷穿上Fendi裙配百萬珠寶，對於安志杰早前戴了情侶戒指，傳出兩人訂婚，婷婷說：「買咗一段時間，我哋有好多情侶珠寶，衫就太over喇，父母就有好多。」
婷婷謂今年其中一件大事是嫲嫲百歲生日：「幾時就唔知，因為係計舊曆，嫲嫲喺澳洲，佢同我感情好好，我會送一粒好大嘅鑽石，唔使戴老花鏡都睇到嘅，或者封大利是，老人家好緊張。」或者送個大隻孫女婿？婷婷忍不住笑說：「睇吓佢得唔得閒啦！」
採訪：林嘉慈
攝影：黃文偉