唐唐係政壇金句王，不時為大家製造歡樂，就連無綫嘅體育記姚雋彥，都可能係唐唐「粉絲」，皆因佢上周五、即係唐唐同太太做完大龍鳳翌日，喺報道巴西聖保羅錦標賽時，不時以唐唐僭建金句入稿，最應嗰句就係保利斯達球員犯規被罰12碼時，抽水話雖然事件的確係隊友一手造成，但「違規就係違規，冇得卸膊嘅」，究竟暗寸緊邊個？唔使八方畫公仔畫出腸啩。
之後有球員被紅牌出場，姚雋彥又形容佢係「一力承擔」，而戰況「陷入低潮」嘅保利斯達就要「重新出發」，句句都係唐唐金句，難怪獲網民力捧，大讚呢類體育新聞報道有創意，高叫「伍晃榮有後了」。