補習社有幾好搵，不妨睇吓舊年上市現代教育（1082）盤數就知。由KenSir（吳錦倫）揸fit嘅現代教育，半年賺千幾萬，多咗63%。業績靚，但都唔夠補習天王天后人工咁「靚」。睇簡報，導師承包費有5249萬，多咗42%，以現代教育家有64位導師計，即係平均每人每個月賺超過13萬，同司長級政治助理差唔多，年薪超過150萬。
通識科報名增長快
至於邊科最好搵，現代教育話增長最快的科目係通識科，令報讀該科嘅人數激增。通識係高中學制下列為必修科，早排連陶傑試玩通識卷都俾人評肥佬，就知識班學生通通唔識幾徬徨啦。現代教育有六位導位教通識，話唔定今年人工分分鐘高過KenSir。