九龍塘出現吊雞車傳媒特攻隊，約道一帶吊雞車排陣之壯觀，勁過西九地盤。經此一役，唔使風水佬抽水起壇都知：
1，九龍塘豪宅樓價受牽連插水，很多「安樂窩」脫手急售，內地豪客睇定離手掃貨，約道一帶，熱鬧過廣東道。1a，鄉紳宣佈找到代言人，瞓街撐唐，村長保證唐英年就算拆埋祠堂，都能夠「入圍」。
2，女人的名字，因唐英年改寫。2a，成功和失敗的男人背後，都有一個後悔僭建的女人。
3，唐英年起初說僭建部份只是「一個窿」，視二千幾呎地牢做「一個窿」，北方大腕，咱們唐唐少爺大你！3a，記者拍到唐家愛犬在兩個唐宮中來去自如，狗住在幾千呎的「一個窿」，孔叫獸，你趕快來香港跳吊雞車吧！
4，豬狼選特首，市民在兩個差唔得幾遠的窿，揀一個，挖深啲，再挖深啲，無奈躺下去，認命遭活埋。4a，葉劉冇得爭，最有膊頭最有腰骨的風雲女人，破土而出！全城網友支持郭淺出選！