呢期手提機肯定PSVita最Hit，好似玩地心吸力嗰隻《GravityRush》，就由原價$298極速炒上五百大元！最近再有網民討論，好多亞版扮日版、水貨溝行貨嘅情形，咁點分辨行水貨？據網民所講，原來方法好簡單，留意喺盒面左下角個Logo，行貨係中文字，水貨係英文或數字；至於盒底，行貨會列明為第3區，而且框框會用中文字列出類型及語言。日後買Game就要精明啲喇！