【本報訊】記者昨找到店主蔡虎城（圖），他否認向比賽優勝者提供現金獎，「每次我哋都係用現金券形式，上次影相只係為咗噱頭，擺上網同人分享，吸引更多人嚟玩」。優勝者於比賽後，會按慣例在店內選取想要的卡，「本來我哋以前用獎品，但發覺我鍾意呢種卡、佢鍾意嗰種卡，咁不如直接送現金券」。
蔡還暗指其他店同樣送現金，「佢哋話送千五蚊……但寫話係『獎學金』，字眼可能好睇過我！」他解釋兩年多前最先在該商場開設遊戲卡店，其後競爭者加入，但彼此關係不佳。他強調自己沒有鼓吹賭風的意思，只是提供一個地方讓玩家聚集對戰，且參加者大多是為買新卡去參賽，「我覺得佢哋係一個競爭嘅心」。
涉金錢利益已屬違法
警方發言人表示已接獲有關投訴，由秀茂坪警區特別職務隊跟進。大律師陸偉雄表示，《賭博條例》已列明遊戲一旦涉及金錢利益，已屬非法聚賭，店主可被控經營非法賭場及收受賭注，罪成最高刑罰為罰款200萬元及判監兩年，今次事件涉及未成年人士參與，法官判刑一定嚴懲。