近排本報體育版嘅同事們天天「林瘋」上身，連地上最強巴塞同粉絲最多嘅紅魔也常要靠邊站。原來唔理你係乜嘢來頭，期間過程有幾苦，一有機會打起個勢真係可以勁到冇朋友。今天向近期「着火」嘅球隊埋手，望本欄能沾上一點旺氣，捧「金絲雀」諾域治同飛燕諾穩W。
有些人喜歡用工作麻醉自己，小弟也多謝J.Lin轉移了我嘅視線，在華人社會心目中，你我也有幸同見證多年難得一見世界體壇最大驚喜；否則天天愁對那些年曾風光過嘅愛隊，表現向下沉更剛慘吞A米4蛋嘅殘酷，那股怨氣自會縈繞不散。不要瞎猜這「瘋」潮能再走多遠，體育迷或球評家，馬後炮又好，一早看好又好，只管繼續享受這段好時光吧。
繼續享受好時光，還有今屆升班嘅英超奇兵諾域治，你唔信唔追所謂寶尾，多會呻笨。同樣喺季初飛躍嘅「喜鵲」紐記都似散散哋，諾域治呢隻小小金絲雀仍然勁到冇朋友；作客常出冷，主場更係搶分嘅保證，不經不覺已貼近利記升上第8。暫時仍冇乜人會信佢哋會爭取到更前位置，踢來屆歐洲賽；但只要多取5、6分左右到40分樓上，可提早慶祝護級成功。冇護級包袱，今天來到足總盃16強，排陣及場上表現，估計可放開懷抱，喺呢個盃望多走一兩步。對手為低一級嘅李斯特城，近態稍好但只排中游，前線有紐根特及碧福特這對前英超兵夠晒名氣；但守力及作客也一般，遇着擅攻嘅諾域治，難望爆冷，破蛋則有機會。
傳統荷甲強隊飛燕諾上季跌至第10，但新人開始成熟，今屆歇冬前後冒升甚速，已升到聯賽第4；勁到冇朋友，其實主要多得曼城借出19歲嘅新星約翰古達迪，估唔到此子未踢過英超，卻在荷甲大爆發，近3戰兩度中三元，今季已佔球隊總入球近4成。呢隻「燕」勢頭似乎未到止境，爭霸當然言之尚早，但今天只迎中游的華域克，再如上周擂台貼士般，攻佢哋大勝波膽。
做咗咁多林書豪嘅故仔，看到小伙子所緊抱信念嘅報道，其中一句「盼望不至羞恥」（hopedoesnotdisappointus）最深刻；信念仍在，那怕受到挫折，惟望有一天，那隊波終可爭口氣。
下次見報（25/2）
蘋果波神
今日重心推介
熱選
諾域治勝(1.87)
冷選
飛燕諾勝
3:0(8)、3:1(9)