【記者盧勁業報道】「醫學界有李家仁、建築界有關正傑，點解就係冇工程界出身嘅歌手？」身為工程界泰斗的陳福祥一直有個心願，希望香港也可出一個能歌善舞的工程師藝人，以宣楊工程專業。本身已擁有一堆博士、碩士學位的他為宣揚工程專業修讀了戲劇課程，親自撰寫劇本與無線電視洽談開拍一套關於工程師的劇集。又試辦工程駐校計劃,使青年人了解多些工程知識。由本港的工程界開荒牛，到退休後榮升工程師學會會長，陳福祥正向他宣揚工程專業的「終極工程夢」進發。
劇集料半年後出爐
他從香港大學電機工程系畢業後便加入中電,一待就30多年。在中電生涯裏，陳福祥絕大部份時間在不見天日的電站工作，他說：「若果要去變電站維修，就要企4、5個鐘，除咗要有腳骨力，仲要捱得肚餓！」現今工程師只需坐在有冷氣的控制中心，就可透過電網於幾分鐘內找出問題所在，盡快搶修,減低停電影響,陳福祥在這方面貢獻不少。惟他對工程師在日常生活未為人注意而慨嘆：「如果你係教徒，食飯前你會感謝神賜你食物，但每次開掣盞燈着咗，就未必諗到係好多電力工程人員嘅心血結晶！」
就是這份心情，促使已退下火線的陳福祥萌生「工程師入屋」的念頭，讓市民大眾了解到工程師工作背後的辛酸。「消防員、警察、醫生、建築師同飛機師嘅劇集都有，點解就係冇工程師？」
陳福祥透露，劇本已「度好」：「係一個女土木工程師嘅故事！小時候佢家園被山泥傾瀉沖毀，矢志成為土木工程師。」為何是女工程師？「以前工程師界有唔畀女性進入隧道嘅講法，工程界一向被認為由男性主導嘅行業，其實家香港嘅土木工程界已經有一半係女工程師」，他對劇集充滿冀望：「工程師可以透過電視劇入屋，姨媽姑姐都可以認識工程行業！」
試行工程師駐學校
劇集預計還有半年才出爐，他正努力將信息帶進學校，香港工程師學會正在幾間學校試行駐校工程師計劃，「派駐工程師喺學校同學生分享工程專業知識，暫時有六、七間中學做試點，期望喺「三三四」學制下，通識課程中可以畀青年人了解多啲工程知識，最終希望可以『一校一工程師』。」
陳福祥對工程的熱愛，就連子女的名字也以他本科電機工程（Electricalandelectronicengineering）作依據，三名子女的英文名通通以E字開頭：Eric、Eunice、Eugene。他笑說「可惜佢哋最後都唔係做工程師，有醫生、律師，就係冇工程師。」
惟對多年工程的努力，他坦言感到滿意，「工程師係好踏實咁建設社會，每次見到萬家燈火，香港電力供應穩定，為市民帶嚟生活方便，就好滿足！」他寄語新一代工程師要多學習不同領域的知識，如電腦、網絡科技、並利用自己的專長於不同方面應用，更要具體創新意念的優勢，令香港保持競爭力。