最近有指無綫主持黎國輝（阿感）力追鍾欣桐（阿嬌）而與模鄧伊玲（阿旦）分手，阿嬌日前亦出口護阿感寸阿旦博宣傳，昨日阿旦接受now觀星台訪問，直指分手導火線是阿感瞞住她出席阿嬌生日會，而不陪自己到內地登台，直言阿感重視阿嬌多過自己。
情人節大哭
阿旦稱拍拖以來都未見過阿嬌，但覺阿感對阿嬌與其他女性朋友不同，會好錫及好關心阿嬌，她說：「關心朋友可以抽身啲，有時佢哋有啲對話、短訊，我睇到都覺得有啲over。」她又說情人節當日得悉阿嬌指她博宣傳，激動到在家痛哭，並說：「咁講對我造成好大傷害，佢自己以前都經歷過，應該明白，講嘢要負責任，都唔清楚來龍去脈。」她又說自己問心無愧，日後見到Twins都沒問題。
撰文：林妃