陳福祥成為工程師，一切緣於1971年的香港的大停電，他回憶說：「嗰個年代，香港每逢打風就好易停電，當年颱風羅絲襲港，有一塊大鐵片被巨風吹到觀塘駿業里變電站母線上面，結果搞到九龍新界停電幾日，民生大受影響。好多人困，消防員忙到不得了，蠟燭都賣到斷市。」
停電幾日，他在家中思考：「點解會停電呢？有乜方法可以避免呢？」之後他決心投入有關供電可靠性技術及應用。出身清貧的他以優良成績進入港大修讀電機工程系，更以一級榮譽畢業，是名副其實的天子門生，保安局局長李少光也是同屆同學。
負責中電繼電器保護
他畢業後加入中電，負責繼電保護器項目，他說「繼電器的作用，是電力系統故障時自動將故障線路從供電網中隔離，局部故障就唔會造成大範圍破壞。例如當年九鐵電氣化，我哋設計供電系統時就要考慮一旦九鐵跳fuel，系統點樣防止九鐵拖垮中電嘅電網，不會令其他用戶受影響」。
原來陳福祥本身很喜歡捉象棋，更練得沒棋盤也可「閉眼捉棋」的本領。他笑言：「可惜當年冇錢買棋譜，如果有錢買黎鑽研，可能變成職業棋手而唔係工程師！」
《蘋果》記者