上周五嘅德甲獨腳戲，兩支聯賽中游分子賀芬咸同緬恩斯踢成1:1和氣收場。為賀軍先開紀錄嘅唔係佢哋陣中嘅球員，而係緬恩斯中堅洛維斯基（左）嘅烏龍球。呢位馬其頓後防至今已經喺德甲擺咗6次老烏，平咗前漢堡中堅卡迪斯喺德甲6個烏龍球嘅紀錄，認真醜死怪，話唔定洛維斯基好快仲會破埋紀錄㖭！