對於新光戲院即將結業，汪明荃噚日接受商台電話訪問，佢話李居明呢排同個業主傾緊件事。另外有指一位姓梁嘅朋友都同業主傾緊，有傳係梁振英，阿姐話：「估好大機會係佢，因為佢都係八和嘅顧問之一，佢都好關心呢件事。」對於嚟緊有遊行，阿姐覺得冇需要，佢話：「呢件事唔係我發起，發起嘅人亦都冇通知我，其實都應該要顧及安全問題。」