王敏德、謝婷婷和宣萱等昨晚出席在中環ifc舉行的意大利皮具活動，今次是王敏德首次與品牌合作設計，希望能參與更多品牌的設計。早前有指宣萱會簽約王維基，宣萱表示仍未簽約，她說：「我家休息緊，同佢三個月前傾過，暫時未有實際劇本，會再傾，所以家係自由身，想放假離開香港去吓旅行。」41歲的宣萱自爆感情未有着落，她說：「家感情空白，身邊好多人都唔開心，就算拍拖都要搵一個夾得嚟嘅人。」
婷婷爆兄住家男
謝婷婷自爆首次與胞兄謝霆鋒逛超市，更稱霆鋒是住家男，婷婷說：「好開心同哥哥第一次行超市，家一日行四、五次，啲職員以前見到哥哥會好興奮，家就冇反應。」栢芝被本報拍到買焗爐，像是投霆鋒所好，婷婷說：「我唔知栢芝嘅生活習慣，至於係咪復合，我都會支持佢（指霆鋒）嘅選擇。」
採訪：盧妹
攝影：陳志嵐