何超瓊和俞琤的「瓊俞戀」成為城中熱話，最近又有傳關菊英與公仔麪大王周文軒姪女、億萬富婆周偉利（Willy），將於今年9月到同性戀合法化的英國秘密註冊結婚。
被指英國行禮
有指Willy在雲地利台寓所內煎牛扒嘆紅酒，單膝跪地向菊姐求婚，但菊姐昨日在電話中否認說﹕「梗係冇，可以用四個字去形容，絕無此事。」她自言沒有看過該報道，但已獲朋友通知，她帶點激動說：「今次實在太誇張，識我嘅人都知我唔食牛肉，我已經戒食牛戒咗十幾年，加上我信佛，又何來去英國教堂舉行婚禮？」
問菊姐與Willy有沒有真的想過結婚？她大方說：「我哋係好好嘅朋友，現階段保持現狀都好開心。」菊姐坦言最介意影響到身邊人，她說：「余慕蓮打電話畀琴姐（李香琴），問佢係咪做我哋嘅證婚人，激到琴姐好嬲，話要打電話去鬧人，我咪反勸番佢老人家，叫佢唔好咁嬲囉。」她直言沒有想過藉此新聞宣傳新碟，她笑說：「我係打算今年出唱碟，但唔使靠呢啲宣傳。」採訪：林妃
