「逢人吼」上年無端端俾「大山婆」飛咗，仲以為逢人吼會好傷心，點知轉頭已暗撻「蕃薯妹」，佢哋嘅戀情仲火速發展。最估唔到蕃薯妹除咗得到逢人吼個心外，連大山婆啲工作都一併擸埋，大家對呢段新戀情好受落，經常可以拍住上搵銀。其實蕃薯妹又真係幾得人錫，因為佢本性好純良，同佢接觸過嘅人都好鍾意佢，關仁之前約過蕃薯妹影相，見佢塊面咁多雀斑，多口問句點解唔用遮瑕膏遮吓，佢好搞笑話：「我專登返加拿大曬㗎，唔搽防曬膏，將塊面貼向太陽，曬多啲先靚嘛！」鬼妹仔果然係爽啲，崇尚自然美，難怪逢人吼可以咁快忘記情傷，投入新戀情。
撰文：關仁