姜文前年執導嘅《讓子彈飛》喺內地收咗七億票房，成為華語片票房冠軍，但內地官方暗地裏唔多鐘意呢部戲，話呢部戲有啲諷刺官方，所以批呢部戲上映嘅電影局高層都要下馬，咁新上場嘅電影局長當然會好小心，所以之前姜文將《讓》片續集劇本送去審批，好快就俾人打回頭。
被禁執導七年
姜文都心知想再拍續集好難過到審批呢關，所以佢索性搞其他題材，最近佢正在籌拍《上河圖》，部戲仲會有法國資金投資，但聽講呢部戲一樣未過到審批。除非出國拍，如果唔係好難過到電影局呢關。喺88年姜文因為拍咗一部《鬼子來了》，喺內地被禁七年唔可以做導演，估唔到家又因為《讓》片踩中地雷，不過聽聞今次唔會罰咁重，但呢一、兩年佢要喺內地做導演，電影局唔會咁容易畀佢過關。