新一季中超聯賽即將開鑼，由車路士簽咗法國前鋒安歷卡（左）嘅上海申花自然成為最受注目一隊。阿內爾卡，即係安歷卡喺國內嘅譯名，亦已經身在上海，喺星期四晚出席申花球衣發佈會。另外今季中超球會近日先後公佈咗新球季門票價格，申花暫時係最貴一隊，買季票要1,500人民幣；如果係球迷會會員就800人仔有交易，呢個價錢已經係衞冕冠軍廣州恒大最貴一種季票嘅價格。