特首參選人唐英年被爆在大宅僭建地下皇宮，他即卸膊把責任推到太太郭妤淺身上，此舉不但令女藝人咬牙切齒，就算男藝人都加把口圍插賣妻唐英年。
鄧特希：如果唔係知法犯法，點解做呢個「安樂窩」要咁神秘挖地庫，而唔係索性加建多三五七層？真係有眼淚就值得同情？地球人已經無法阻止呢對大話歪理夫妻。做個2,000幾呎地庫只係想家人開心，唔係刻意要僭建！如果只係個泊車位加個二十呎頂就信你唔係刻意！
黃貫中：好吧，我只有告訴大家真相，我其實係係係……蝙蝠俠，那個地下室係係……蝙蝠洞，你們滿意未？
高志森：唐唐呢場戲肯定唔好，叫老婆做代罪羔羊，香港人最唔受呢一套，最反感。唐太喊晒哀求港人畀機會老公，唐唐咁做唔單止唔到佢做，令自己陷入深淵，睇唐太講嘢都令人好難堪。
鄧梓峰：失去誠信，賺到個銜頭又點？我情願做個有誠信的普通人！約道7號熱鬧到好似海洋公園八爪魚機動遊戲！大家都想一睹地下行宮！香港又多一個旅遊景點！唐代地下行宮！
蔡一智：做音樂嘅人要有膊頭同腰骨，做音樂都要有承擔，我哋冇花冇假，100%真材實料，我要做好呢份工，做嘢好畀心機，有膊頭有腰骨。
周柏豪：唐生，你叫我們給你機會去重新出發，你是否忘記了香港沒有雙普選，不是我們給你機會，是阿公要你做，我們根本沒權投票。還有我們香港市民用一生去換取40%實用率的單位，你呢？實用率是400%。