60歲的劉太患糖尿病及高血壓多年，其70歲丈夫劉先生因中風致四肢活動能力有問題，需人貼身照顧，三名兒子遂出錢聘外傭照顧他們。
料嫌煮飯冲凉辛苦
怎料印傭上工個半月便出走，臨走一日只拋低一句話：「Agency明明話嚟呢度打工餐餐去茶樓食飯，唔使煮飯，點知家日日要我煮。」
印傭走後，劉太須獨力負起家務重擔，壓力即時爆煲。她不忿說：「其實佢嚟面試已經見過實際環境，明知每日都要幫我丈夫洗身，我估佢覺得辛苦，所以唔做。」劉太的印傭走後，竟通知入境處與僱主解約，要求賠償一個月代通知金，機票則改收現金，總計8,000多元。雙方就此談不攏，事件最終交小額錢債審裁處處理，身心俱疲的劉太嘆道：「工人幫唔到我，我手都郁唔到，又要上法庭，好大壓力，好想死！」她坦言「見過鬼怕黑」，未必再請家傭，會與兒子商討如何安排照顧丈夫。
《蘋果》記者