唐英年僭建醜聞越爆越大鑊，有建制派選委對單仁說，日前出席一個宴會，席間各人心情複雜，支持唐英年的固然憂心忡忡，支持梁振英的選委雖見梁形勢大好，但喜形於色之餘，言談間也不無感嘆，原來建制派之間的所謂「君子之爭」，可以如此令人心驚。
比阿爺插泛民更辣
該建制派選委對單仁說，或許阿爺真的希望建制派特首候選人可以有「君子之爭」，大家可以比政綱、比能力、比民望，但客觀事實是針對唐、梁的「黑材料」滿天飛，「砌得入就搏命砌、砌唔入都要夾硬砌」，而且連十多廿年前私隱也被挖出來，兩大建制陣營「互插」兇狠程度，較之建制派插泛民有過之而無不及，「阿爺喺選舉對付民主派嘅手法，都未及今次咁狠，真係刀刀對住要害」。
有泛民選委就認為，由於泛民過去十多年長期被特區政府邊緣化，基本上不被建制重用，要找泛民「黑材料」已不再容易，「有嘅話過去咁多次選舉，都俾人挖得七七八八」，反而建制派人士逐步佔據政府高職，「佢哋都知道各自有乜黑材料，大家冇競爭嘅時候，自然相安無事，萬一成為競爭對手，手頭上打抹黑戰子彈，隨時多過泛民打建制派，要打死對手更加容易」。
另一建制派選委感嘆，自己早前拒絕提名唐、梁，現在回看實屬「明智決定」，他說經今次唐、梁選特首一役，「我諗以後冇乜從商嘅人敢再選特首」。
單仁