唐英年大宅涉僭建風波越演越烈，大宅「地下皇宮」草圖昨日曝光後，除令外界質疑唐英年誠信有問題外，更令人猜測中央對他的支持會否轉變，甚至他會被梁振英取代。
多名親北京建制派選委均表示，北京正密切留意事件發展，暫未聞重大轉變，估計中央謀定而後動，「睇清楚先做決定」。
多名親北京建制派選委稱，連日來傳媒不斷報道針對唐、梁的「黑材料」，已引起中央關注，昨日有來自內地的相關人士，向他們查詢唐「地下皇宮」草圖曝光的消息，「佢哋好關心呢件事，想知道件事有幾真確、對特首選舉有幾大影響」。不過，他們從對話中未聞中央有最新指示，「佢哋只係收料，冇（對唐、梁選情）講乜嘢新指示」。
有人猜：任由唐梁自由搏擊
另一親北京政界人士說，唐英年接連遭黑材料攻擊，卻未見中央找有份量人士為他護航，已引起不少人猜測，中央將唐視為下屆特首人選的立場是否出現轉變，「近日好多有關內地十八大人事鬥爭嘅消息，有人猜測係咪同呢啲嘢有關，令中央挺梁一派可以翻盤？又有人估係咪中央想顯示真係放手，任由唐、梁自由搏擊？」
該親北京政界人士稱，這些疑慮相信不代表中央看法，中央應未有決定，「我理解中央態度係，若果唐、梁民望差距好大，就要尊重港人民意；如果唔係差太遠，就要聽吓社會各界意見」。所以他相信中央不會因這些抹黑消息，急於做任何重大決定，「中央一定唔會咁急做乜決定，一定想睇清楚先，謀定而後動，等睇晒個局先決定」。《蘋果》記者