泰維斯重返曼城，而且態度軟化，睇嚟雙方好有機會和解。泰仔喺禮拜二落機，隨即返曼城做體能測試（圖），應該好快就會復操。泰仔冇耐前先話球會當佢狗咁，但家改晒口風話：「我唔覺得做錯，但如果球會認為我錯，我會道歉。我家要做嘅事，就係盡快回復狀態。」一人讓咗一步，相信件事好快解決到，泰仔下半季有望為曼城上陣。