贊比亞互射12碼擊敗大熱門科特迪瓦捧走非國盃，本來唔係好關朗尼嘅事，不過佢老兄見象國有曼城孖寶托尼兄弟在陣，就乘機喺Twitter踩兩腳：「高路同耶耶托尼兩兄弟都輸咗，真係過癮！」朗尼把口咁臭，網友都忍唔住潤番佢，反問佢幾時帶領過英格蘭打入國際大型賽事決賽。講開朗尼，佢太太高蓮（圖）親自設計嘅新款三點式泳衣上市喇，25歲嘅朗尼嫂仲親自做model㖭！