珠寶商去年幾乎「瞌埋眼」都做到生意，但今年面對轉角市，要突圍而出就考功夫。周生生（116）副總經理周允成表示，今年周生生的經營策略是以成本效益為首要考慮，並繼續在內地增加20%新店，以維持增長動力。
港業務未擬擴張
現時香港地區銷售佔周生生珠寶總收入比重約60%，而當中又超過40%是來自內地遊客。雖然香港的生意對公司表現舉足輕重，但在市況未明朗、經營成本又高企的情況下，周生生今年在港未擬擴張，反而會繼續在內地開舖。
周允成表示：「舊年我哋喺內地開咗55間新舖，去到250間左右，今年都會維持開50間左右，新店增長至少有20%，會維持一貫自行經營嘅策略。」
至於本港市場，周允成指出，公司今年會更着重成本效益：「例如我哋傾向揀多層舖位，花心機將人流吸引上樓做生意，咁可以拖低個呎租，而多層大舖嘅感覺，對推廣品牌形象亦有幫助。」他有信心，今年香港區銷售可有雙位數增長。