正當數碼通取消無限上網，搞到全民圍鬧，CSL卻高調宣佈，旗下1010同One2Free，將繼續提供無限數據服務。此舉當然引得手機用家大呼叫好，紛紛上網開Post大讚CSL有良心，形象大好，卒之當晚多間網絡商紛紛宣佈維持無限計劃。咪住先，細心睇清份新聞稿，原來佢哋仍然計劃取消無限計劃，不過維持至年尾，話畀啲時間大家，諗諗到底實際需要乜嘢Plan喎。點都好，到全城取消無限服務後，總有一兩間網絡商為爭生意，再搞無限計劃，轉頭個個死跟，爭完客又呻營運成本高，就像無間地獄，鬧劇一直輪迴下去。