【本報訊】情人節單是送花或不足以博紅顏一笑，很多男士昨絞盡腦汁為另一半製造驚喜，有人特意告假，一日內送花、送禮物再接放工，為女友營造三重驚喜。已婚六年的丈夫哄太太到花墟後即場獻花，太太甜笑說：「最緊要係心意」。132對情侶昨更在婚姻登記處作一生承諾，共諧連理。記者：張文傑 袁樂婷
旺角花墟的花店職員昨晨七時起，不斷將一束束鮮花送上貨車運往各區，部份訂花的客戶一早來取貨，再親送女友。與女友拍拖三個月的陳先生為製造驚喜，昨請假一天，進行「冧女大計」，「揀咗六支紅玫瑰嘅花束，等佢拎到喺手；我會先上佢屋企送花，等佢返咗工再送禮物去佢公司，最後接佢放工時仲有驚喜畀」。他強調情人節共花約2,000元，只求女友開心。
花店生意創新高
已婚的李先生也甚有心思，昨晨如常駕車送太太上班時，突稱要駛往花墟載朋友，到達花墟後借機跑往花店取花送給太太。李太說丈夫以往甚少送花，「重要嘅唔係送乜嘢花，最緊要係心意」。
旺角繽紛花店分店主任陳佩珊表示，今年情人節近兩成客戶一個月前已訂花，由於今年農曆新年及元宵節，與情人節相隔一、兩星期，有充足時間讓客人準備「冧女」，「往年好多人買11支花，今年啲人肯使多啲錢，多咗人買19支花，寓意一心一意、長長久久」。她指今年花價與去年相若，其中簡約款式花束甚受歡迎，冷門花束如黑色馬蹄蘭也有人問津。有花店指今年情人節市道是近五年最好，生意比去年多三成。
132對情侶結婚
132對情侶昨趁情人節在婚姻登記處註冊結婚，令尖沙嘴登記處洋溢甜蜜幸福氣氛。拍拖一年的李生、李太相識、拍拖紀念日也在2月14日，為令情人節有「三重意義」，一早排期昨日註冊結婚，「咁樣令情人節更有紀念價值」。他們未有擺酒，只邀請親友出席簡單聚會。
另一對新人王生、王太中一起拍拖至今八年，王生昨輕摟愛妻說：「想畀個名份佢，將情人變成老婆。」王太說曾計劃五月的拍拖紀念日才結婚，但兩人覺得太遲，最後敲定「最易記」的情人節註冊。
情人回應
送花玩神秘
姚先生：拍拖兩年第一次送花畀女友，要扮有嘢做先可以抽空嚟花墟攞花，再親自去佢公司，咁樣有誠意啲，令佢驚喜啲。
收花好驚喜
李太：我生日佢（丈夫）都唔會送花，今日收花好驚喜，可能都會諗吓點「回禮」，今（昨）晚都會喺屋企一齊食西餐。
