春天就快到，天氣開始回暖，正好就係百花盛放的時候，大家屋企嘅「溫室小花、小草」都係時候換新裝喇！2012潮童最新春裝，花花款色大行其道！要小朋友一齊做個春田花花的好兒童！
記者：陳家蕊
攝影：黃子偉
Model:Chloe、Hayden、Ryan&PakMan@PureModel
鳴謝：McQuarter
GLOBALWORK
銅鑼灣首度插旗
一向專攻青少年市場的CollectPoint，將於二月十七日，在銅鑼灣世貿開設首家家庭風格品牌GLOBALWORK海外專門店，各位家長買心水童裝又多一個選擇了！
英國花園 大熱！
今年的春裝主要流行不同的花款圖案，把色彩繽紛的花花穿上身，相信小朋友一定鍾意；同時為人父母者，亦不妨趁着這股潮流，讓小朋友認識不同的花朵！所以花花衣着唔單止好睇，仲好有用㖭！如果家中小朋友都鍾意路邊的小黃花，又或者滿天星，咁佢哋一定會愛Petits今年最新的春季款式，大玩「英國花園」作主題；把紅白的碎花款式，分別印在英式的乾濕褸、漁夫帽以及圍巾上，最適合小朋友在剛剛轉季，乍暖還寒、又經常下毛毛雨的日子穿着，相信小朋友即使在天灰灰的日子，依然可以感受到花花的繽紛感覺；而紅白色的碎花感覺斯文，相信最鍾意喺屋企玩煮飯仔的乖乖女見到一定好鍾意！
如果小朋友唔鍾意好似滿天星的碎花，鍾意好似太陽花、菊花類大大朵先覺得靚的話，佢都好可能會鍾意Petits另一個系列—我的小百貨，因為它用上紅綠做主色，不同的花款都清晰的印在裙子和衣服上，顏色奪目搶眼，穿上後立即變醒目女！
小男孩 玩彩格
小男孩方面，今年的春天主要的衣着都以簡約的格仔為主，沒有了花與蝴蝶，色彩鮮艷的格仔圖案，同樣令人感覺到充滿朝氣，實行唔使去到夏天，春天一樣做到陽光男孩！
小女孩 蝴蝶圖騰
除咗燦爛奪目的花花之外，今年的春季亦唔少得鍾意在花間翩翩起舞的花蝴蝶，可是今年的花蝴蝶以低調為主，蝴蝶化作蝴蝶結隱藏於不同圖案之中，但簡簡單單的條紋圖案，在蝴蝶結的輕巧點綴後，立即就可愛甜美了不少，果然蝴蝶結是屬於小女孩的圖騰啊！
查詢
a.媽媽王國（81972533）
b.GLOBALWORK（29599720）
c.Petits（28822240）
d.Seed（25770721）