去年底正式公開戀情的胡杏兒和黃宗澤（Bosco），今個情人節不用再收收埋埋，正在趕拍無綫劇《護花危情》的Bosco，昨日只拍外景，傍晚6時半便收工，女友胡杏兒亦已返了香港，可以名正言順地拍拖慶祝情人節。
「唔會出街慶祝」
Bosco說：「外邊人太多，唔會出街慶祝喇。」不過Bosco當然準備了禮物，並坦言早已送給杏兒，但為保持神秘，他只肯透露是從外國訂回來。
至於已收了甜蜜禮物的杏兒，昨日在電話中甜笑說：「哎吔，唔講得佢送乜呀，總之年年都有送啦！」她不肯透露送甚麼禮物給男友，問到公開戀情後首個情人節，會否過得更輕鬆更甜蜜？杏兒說：「冇呀，都係咁啦，都係唔會出去啦！」