林一峰噚日到商台分享入行10年經歷，同埋今年工作大計，佢話下月會推出首張精選碟，裏面仲加埋之前旅行影嘅相集，年尾就會開演唱會，已經入紙伊館申請。講到呢10年最難忘嘅事，佢話：「仲喺度唱緊，可以照顧家人兼可以去旅行，雖然帳面賺咗唔少錢，但都投資晒喺音樂度。」佢仲透露未來10年大計係做玩具大王，推出小巧精品玩具。