10年前只是一家中小型香港珠寶零售商的六福集團（590），受惠於自03年開始的自由行，加上在內地採用特許經營模式，以及僅為約20%存貨作對冲，令業務及市值得以大幅上升。但有外資分析員指出，若增長放慢，周大福（1929）投資價值會相對較高。
六福槓桿較大
該分析員說：「喺市況大好同金價勁升嘅情況下，買六福等於做咗個高槓桿投資，將投資回報倍大咗咁……好似周生生（116），佢雖然只係為大約40%存貨對冲，但喺大陸就無用特許經營商，全部自己開，所以個效果就無六福咁好喇。」
該分析員又指出，若果今年市況如大家所言回復到正水平，要在三者中選擇的話，應該投資周大福。他說：「周大福悉數為存貨做對冲，已封咗金價掉頭向下嘅風險，再加上佢喺大陸都有用特許經營模式，可以食到內地嘅增長，所以周大福最好。」
不過，時富資產管理董事總經理姚浩然不是太認同，他說：「周大福股價雖然跌咗唔少，雖則又係龍頭，但估值都仲係唔平……我就依然鍾意六福多啲喇，因為我估今年香港市場點都仲有增長，睇中佢槓桿大啲。」