阿士東維拉最近請咗隻獵鷹番嚟（圖），負責去捉喜鵲。講清楚先，呢度喜鵲唔係講緊前排打贏佢哋嘅紐卡素，而真係識飛嗰啲喜鵲。原來維拉公園塊靚草地吸引到唔少喜鵲光臨，但佢哋會喺度掘窿，搞到塊草地爛晒。正所謂「一物治一物，糯米治木蝨」，維拉嘅管理人員就搵咗獵鷹嚟，負責趕走啲喜鵲，呢招相當高明！