范姜噚日突然喺機場接機大堂出現，原來佢嚟接寧波車康祖，佢哋聽日喺香港有活動，兼且為港人祈福，身為信徒嘅范姜今次負責一切招待，而寧波車見到范姜同一班信徒，即場為佢哋加持送上祝福。范姜話最緊要係身體健康，會唔會想求子？佢笑笑口話：「夠喇！唔使。」范姜話原本阿B都會嚟，但因寧波車班機延遲咗，結果佢嚟唔到。