由美國演員SteveBridges扮嘅假布殊，前晚現身廟街同立法會議員「長毛」梁國雄食飯，已經引起網民哄動。點知呢位假布殊唔只喺街邊食飯，仲做埋經紀sellETF（交易所買賣基金）！
話說易亞噚日推介旗下新嘅ETF基金，上半場sell嘢悶爆，點知假布殊喺最後環節突然出場，仲用美國前總統身份同華華推銷。
今上山頂會「真身」
華華遠睇覺得佢個樣同把聲好似真布殊，但近睇就識穿咗佢嘅「假面具」！假布殊用最直接嘅方法hardsellETF，「我唔似畢菲特嗰種投資天才，但我覺得易亞ETF好用！」果然識做。假布殊同華華講，今日會上山頂同布殊蠟像合照，咁不如順便去胡主席嗰邊進行「官式訪問」！